ಶುಕ್ರವಾರ, ಆಗಸ್ಟ್ 09, 2013

ಕಲ್ಪನಾ ಮರ!


ಅದೊಂದು ದಿನ ರಮೇಶ್ ಕಾಮತ್, ಕೊಡೆಕಲ್ಲು - ಬಾರೆಕಲ್ಲು - ಜೇನುಕಲ್ಲು ಹೋಗಿ ಬಂದೆ ಎಂದು ಹೇಳಿದಾಗ, ’ಕಾರು ಎಲ್ಲಿ ನಿಲ್ಲಿಸಿದ್ರಿ?’ ಎಂದು ಕೇಳಿದೆ. ’ಕಲ್ಪನಾ ಮರ’ ಎಂದುಬಿಟ್ಟರು! ಆ ಉತ್ತರ ಕೇಳಿ ನಗು ಬಂದುಬಿಟ್ಟಿತು. ಯಾವಾಗಲೂ ಕಲ್ಪನಾ ಮರದ ಬಳಿಯೇ ಕಾರು ನಿಲ್ಲಿಸುವುದು ಎಂದು ಮತ್ತೆ ಐದಾರು ಬಾರಿ ಕಲ್ಪನಾ ಮರ ಕಲ್ಪನಾ ಮರ ಎಂದು ಹೇಳಿದರು. ನನಗಂತೂ ನಗು ತಡೆಯಲಾಗುತ್ತಿರಲಿಲ್ಲ. ನಟಿ ಕಲ್ಪನಾಳ ಚಿತ್ರೀಕರಣ ಈ ಮರದ ಬಳಿ ನಡೆದದ್ದು ನಮಗೆಲ್ಲ ತಿಳಿದಿದ್ದರೂ ನಾವೆಲ್ಲ ಈ ಮರವನ್ನು ’ಒಂಟಿ ಮರ’ ಎಂದೇ ಸಂಬೋಧಿಸುತ್ತಿದ್ದೆವು. ರಮೇಶ್ ಕಾಮತರ ಕೃಪೆಯಿಂದ ಆ ಕ್ಷಣದಿಂದ ಅದು ಕಲ್ಪನಾ ಮರವಾಗಿಬಿಟ್ಟಿತು! ೧೯೭೭ರಲ್ಲಿ ನಿರ್ಮಾಣಗೊಂಡ ಬಯಲು ದಾರಿ ಚಲನಚಿತ್ರದ ’ಬಾನಲ್ಲೂ ನೀನೆ’ ಹಾಡಿನ ಒಂದು ದೃಶ್ಯದಲ್ಲಿ ಈ ಮರದ ಕೆಳಗೆ, ನಟಿ ಕಲ್ಪನಾರವರ ಚಿತ್ರೀಕರಣ ನಡೆದಿತ್ತು. ಆದ್ದರಿಂದ ಇದು ಕಲ್ಪನಾ ಮರ! ಹಾಡಿನ ವಿಡಿಯೋದಲ್ಲಿ(೩:೩೮) ಎರಡು ಮರಗಳಿರುವುದನ್ನು ಕಾಣಬಹುದು. ರಸ್ತೆಯಿಂದ ದೂರವಿರುವ ಮರ ಈಗ ಕಣ್ಮರೆಯಾಗಿದೆ. ಕಲ್ಪನಾ ೧೯೭೯ರಲ್ಲಿ ಮರೆಯಾದರೂ, ಈ ಕಲ್ಪನಾ ಮರ ಇನ್ನೂ ಉಳಿದಿದೆ.

3 ಕಾಮೆಂಟ್‌ಗಳು:

sunaath ಹೇಳಿದರು...

ಹಾಡಿನ ವಿಡಿಯೋ ಕೊಂಡಿಗಾಗಿ ಅನೇಕ ಧನ್ಯವಾದಗಳು.

siddeshwar ಹೇಳಿದರು...

Wow, that tree is so tall! There were two trees back then. Nice picture and a unique post. Thank you, Rajesh.

ರಾಜೇಶ್ ನಾಯ್ಕ ಹೇಳಿದರು...

ಸುನಾಥ್, ಸಿದ್ಧೇಶ್ವರ್
ಧನ್ಯವಾದ.