ಭಾನುವಾರ, ನವೆಂಬರ್ 04, 2007

ಮತ್ತೊಂದು ಜಲಧಾರೆ


ಈ ಬಾರಿ ನನ್ನೊಂದಿಗಿದ್ದವರು ವಿನಯ್. ಹೊಸ್ಮಾರು ಎಂಬಲ್ಲಿ ಮಂಗಳೂರಿನಿಂದ ಬರಬೇಕಾಗಿದ್ದ ವಿನಯ್ ತನ್ನ ಪಲ್ಸರ್ ಬೈಕಿನಲ್ಲಿ ಮೊದಲೇ ಬಂದು ನನಗಾಗಿ ಕಾಯುತ್ತಿದ್ದರು. ನನ್ನ ಯಮಾಹಾ ಸ್ವಲ್ಪ ತೊಂದರೆ ಕೊಡುತ್ತಿದ್ದರಿಂದ ಅಂದು ಸ್ವಲ್ಪ ನಿಧಾನವಾಗಿ ಚಲಾಯಿಸಿ ತಡವಾಯಿತು.

ಒಂದೆಡೆ ತಿರುವು ತಗೊಂಡು ೪ ಕಿಮಿ ಬಳಿಕ ರಸ್ತೆ ಕೊನೆಗೊಳ್ಳುತ್ತದೆ. ಇಲ್ಲೇ ನಮ್ಮ ಬೈಕುಗಳನ್ನಿಟ್ಟು ಜಲಪಾತದೆಡೆ ನಡೆಯಲಾರಂಭಿಸಿದೆವು. ಸುಮಾರು ದೂರ 'ಜೀಪ್ ಟ್ರ್ಯಾಕ್' ನಲ್ಲಿ ದಾರಿ ಸಾಗಿದರೆ ನಂತರದ ಹಾದಿ ಕಾಲುದಾರಿ. ಸುಮಾರು ೪೦ ನಿಮಿಷಗಳ ಬಳಿಕ ಬಲಕ್ಕೆ ಸಿಗುವ ಸಣ್ಣ ತೋಟವೊಂದು 'ಲ್ಯಾಂಡ್ ಮಾರ್ಕ್'. ಇಲ್ಲೇ ಸ್ವಲ್ಪ ಮುಂದೆ ಎಡಕ್ಕೆ ಸಿಗುವ ಕಾಲುದಾರಿಯಲ್ಲಿ ಕಣಿವೆಯಲ್ಲಿಳಿದರೆ ದಾರಿ ಜಲಪಾತದ ಮೇಲ್ಭಾಗಕ್ಕೆ ಬಂದು ಕೊನೆಗೊಳ್ಳುತ್ತದೆ. ೨ ವರ್ಷಗಳ ಹಿಂದೆ ಇಲ್ಲಿಗೆ ಬಂದಾಗ ಕೆಳಗಿಳಿಯಲು ದಾರಿ ಗೊತ್ತಾಗದೆ ಮೇಲಿನಿಂದಲೇ ಕತ್ತು ಕೊಂಕಿಸಿ ನೀರು ಕೆಳಗೆ ಧುಮುಕುವುದನ್ನು ನೋಡಿ ಅಸಮಾಧಾನದಿಂದಲೇ ಹಿಂತಿರುಗಿದ್ದೆ. ಕೆಳಗಿಳಿದು ನೋಡಬೇಕು ಎಂದೇ ಈ ಬಾರಿಯ ಭೇಟಿಯನ್ನು ಹಮ್ಮಿಕೊಂಡಿದ್ದು.


ಕೆಳಗಿಳಿಯಲು ದಾರಿಯೇ ಇರಲಿಲ್ಲ. ಮುಳ್ಳುಕಂಟಿಗಳ ನಡುವೆ ಸಣ್ಣ ದಾರಿ ಮಾಡಿಕೊಂಡು ವಿನಯ್ ಸ್ವಲ್ಪ ಮುಂದೆ ಹೋಗಿ ನಂತರ ದಾರಿ ಮಾಡಲೂ ಸಾಧ್ಯವಿರಲಿಲ್ಲವಾದ್ದರಿಂದ ಹಿಂತಿರುಗಿದರು. ಜಲಪಾತದ ಪಾರ್ಶ್ವಕ್ಕೆ ಬಂದು, ಸ್ವಲ್ಪ ಕೆಳಗಿಳಿದು ಪ್ರಯತ್ನಿಸಿದರೂ ನೋ ಸಕ್ಸೆಸ್. ಸಾಧ್ಯವಿಲ್ಲ ಎಂದು ಮರಳಿ ಮೇಲೇರುವಾಗ, ವಿನಯ್ ಅಲ್ಲೇ ಬದಿಯಲ್ಲಿ ಸಣ್ಣ 'ಓಪನಿಂಗ್'ನೊಳಗೆ ಹೇಗೋ ನೂರಿ, ಮುಳ್ಳುಕಂಟಿಗಳನ್ನು ಬದಿಗೆ ಸರಿಸಿ ದಾರಿ ಮಾಡಿಕೊಂಡು ಮುನ್ನಡೆದರು. ಹೆದರಿಕೆಯಾಗುತ್ತಿದ್ದರೂ, ತೋರ್ಗೊಡದೆ ಮೌನವಾಗಿ ಅವರನ್ನು ಹಿಂಬಾಲಿಸಿದೆ. ಕಗ್ಗತ್ತಲಿನಂತಿದ್ದ ಜಾಗ. ಮರಗಳ ಬುಡದಲ್ಲಿ ಏನೇನೋ ಗೂಡುಗಳು. ಇಳಿಜಾರಿನ ದಾರಿಯಾಗಿತ್ತು. ಕೊನೆಯ ೫ ಅಡಿಯಷ್ಟು ಅಂತರವನ್ನು ಬಹಳ ಕಷ್ಟದಿಂದ ದಾಟಿ, ೧೫ ನಿಮಿಷದಲ್ಲಿ ಜಲಪಾತದ ಬುಡದಲ್ಲಿದ್ದೆವು.

ವಿನಯ್ ಜೊತೆಯಿರದಿದ್ದರೆ ನನ್ನಿಂದ ಜಲಪಾತದ ಬುಡಕ್ಕೆ ತೆರಳಲು ಸಾಧ್ಯವಿರುತ್ತಿರಲಿಲ್ಲ. ಇಲ್ಲಿಂದ ಸಿಕ್ಕ ನೋಟ ಅದ್ಭುತ. ಮೇಲಿನಿಂದ ನೇರವಾಗಿ ಧುಮುಕುತ್ತಿರುವಂತೆ ಕಾಣುತ್ತಿದ್ದ ಜಲಪಾತ, ಕೆಳಗಿನಿಂದ ನೋಡಿದಾಗ ೧೨೦ ಡಿಗ್ರೀ ಆಕಾರದಲ್ಲಿದ್ದು ತನ್ನ ನಿಜವಾದ ರೂಪವನ್ನು ತೋರ್ಪಡಿಸಿತ್ತು. ಈ ಜಲಧಾರೆ ಕುದುರೆಮುಖ ರಕ್ಷಿತಾರಣ್ಯದ ಪರಿಧಿಯೊಳಗಡೆ ಇದೆ.


ಜಲಪಾತ ೩ ಹಂತಗಳನ್ನೊಳಗೊಂಡಿದೆ. ನಾವು ಬಂದಿದ್ದು ೨ನೇ ಹಂತದ ಬುಡಕ್ಕೆ. ಇನ್ನೂ ಕೆಳಗೆ ಇಳಿಯುವುದು ಅಪಾಯಕಾರಿಯಾಗಿದ್ದರಿಂದ ಆ ವಿಚಾರವನ್ನು ಕೈಬಿಟ್ಟೆವು. ಜಲಪಾತದ ಒಟ್ಟಾರೆ ಎತ್ತರ ೧೨೦ ಅಡಿಗಳಷ್ಟು ಇರಬಹುದು.

ಮಾಹಿತಿ: ಉಮೇಶ ನಡ್ತಿಕಲ್

5 ಕಾಮೆಂಟ್‌ಗಳು:

Aravind GJ ಹೇಳಿದರು...

ಅಬ್ಬಾ!! ಎಷ್ಟೊಂದು ಜಲಪಾತಗಳು.. ನಿಮ್ಮಲ್ಲಿ.. ಹೀಗೆ ಹರಿದುಬರುತ್ತಿರಲಿ ನಿಮ್ಮ ಜಲಪಾತದ ಲೇಖನಗಳು.

Srik ಹೇಳಿದರು...

nimma bike ge yeshtondu jalapaathagaLu yetakuttave saar... namagadare gaganachukki biTre Bharachukki, solpa kashta patre Abby....ashTe :'(

Btw, Happy to announce that you have been awarded.
Please check my blog for details.

Sathish Shanbhogue K ಹೇಳಿದರು...

Great Pictures and article,One thing I have missed in Delhi is rain which is my best friend for ever. When I am in Kerala I always enjoing the rain but here there is no such a opportunity available. I have read the great Novel "Malegalalli Madumagalu" But I have expereiced it through your blog. Thanks a lot. Keep writing.

ರಾಜೇಶ್ ನಾಯ್ಕ ಹೇಳಿದರು...

ಅರವಿಂದ್,
ನಾನು ನೋಡಿದಷ್ಟೂ ಜಲಧಾರೆಗಳು ಹರಿದುಬರಲಿವೆ ಈ ಬ್ಲಾಗಿನಲ್ಲಿ.

ಶ್ರೀಕಾಂತ್,
ಪಶ್ಚಿಮ ಘಟ್ಟಗಳು ಸಮೀಪದಲ್ಲೇ ಇರುವುದರಿಂದ ಅಷ್ಟೆಲ್ಲಾ ಜಲಧಾರೆಗಳಿಗೆ ಭೇಟಿ ಸಾಧ್ಯ. ಅವಾರ್ಡ್ ಗಾಗಿ ಧನ್ಯವಾದಗಳು.

ಸತೀಶ್,
ನಿಮ್ಮ ಮಾತುಗಳಿಗೆ ತುಂಬಾ ಧನ್ಯವಾದಗಳು. ಬರುತ್ತಿರಿ ಇಲ್ಲಿಗೆ.

Ravikiran ಹೇಳಿದರು...

Hi Rajesh,

This Kuthlur falls is just 6 KM From my home . I am realy surpirsed see this on net. Thanks a lot for your great work. Keep Writting. If any one want to visit this place december to Jan is ideal time .

Regards,
Ravi